My thoughts...
Today morning i opened my laptop and was checking BBC website and the first news was the great poet Ahmed Faraz is no more 🙁 He died after a protracted illness.
His ghazal ranjish hi sahi… rendered by Mehdi Hasan became a masterpiece. Faraz once said that Mehdi has sung it so beautifully that now it belongs to him. He will always be remembered for his great poetry.
May his soul rest in piece. Here are few links to his poetry on one of my blog and urdupoetry.com
Ahmed Faraz
woh tafawutein hain mere khuda k yeh tu nahi koi aur hai
k tu aasman pe, ho to ho, pai sar-e-zameen koi aur hai
(tafawutein – doori,distance)
woh jo raaste the wafa ke the,yeh jo manzalein hain, saza ki hain
mera hamsafar koi aur tha, tera hamnashin koi aur hai
(hamnashin – associate)
mere jism-o-jaan mein tere siwa, nahi koi bhi doosra
mujhe fir b lagta hai is tarah k kahin kahin koi aur hai
main aseer apne gizaal ka, main fakir dashat-e-visaal ka
jo hiran ko baandh ke le gaya woh Subuktageen koi aur hai
(aseer – prisoner, gizaal – a beautiful deer, Subuktageen – Sultan Mahmood’s father)
main ajab musafir-e-beamaan k jahan jahan b gaya wahan
mujhe laga mera khaakdan yeh zamin nahi koi aur hai
(musafir-e-beamaan – traveler without a shelter, khaakdan – world, sansaar)
rahe bekhabar mere yaar tak, kabhi is pe shak kabi us pe shak
mere ji ko jiski rahi lalk, woh kamar-jabin koi aur hai
(kamar-jabin – mehboob, lover)
yeh jo chaar din ke nadeem hain, unhe kya ‘Faraz’ koi kahe
woh mohabattein, woh shikayatein, hame jis se thi koi aur hai
(nadeem – friends)
Another beauty by Faraz Sahab…it looks like a continuation of suna hai log use aankh bhar ke dekhte hain.
abhi kuch aur karishme ghazal ke dekhte hain
Faraz ab zara lehza badal ke dekhte hain
judaiyan to mukaddar hai fir b jaan-e-safar
kuch aur door zara saath chal ke dekhte hain
rah-e-wafa mein hareef-e-khiraam koi to ho
so apne aap se aage nikal ke dekhte hain
(hareef-e-khiraam – leading)
tu sahmne hai to fir kyon yakeen nai aata
yeh baar baar jo aankhon ko mal ke dekhte hain
yeh kaun log hain mauzood teri mehfil mein
jo laalchon se tujhe aur mujhko jal ke dekhte hain
yeh kurb kya hai k yakza hue na door rahe
hazaar ek hi kaalib mein dhal ke dekhte hain
(yakza – together, kurb – closeness)
na tujhko maat hui hai na mujhko maat hui
so ab ke dono hi chaalein badal ke dekhte hain
yeh kaun hai sar-e-sahil k doobne wale
samundaron ki tahon se uchal ke dekhte hain
(sar-e-sahal – bank,kinara)
abhi talak to na kundan hue na raakh hue
hum apni aag mein har roz jal k dekhte hain
(kundan – bright)
bahut dino se nahi hai kuch uski khair khabar
chalo Faraz ku-e-yaar chalke dekhte hain…
(ku-e-yaar – street of the beloved)
A gem by Ahmed Faraz, in his own voice…
[youtube:http://www.youtube.com/watch?v=E3qy6hAhbc8]
One of my favourite. Its written by Ahmed Faraz. Sung by many singers but the one by Mehdi Hasan is just awesome. Listen it here.
ranjish hi sahi dil hi dukhaane k liye a
a phir se mujhe chod k jaane k liye a
pehle se marasim na sahi phir bhi kabhi to
rasm-o-rahe dunia hi nibhane k liye a
(marasim-relationship)
kis kis ko batayenge judai ka sabab hum
tu mujh se khafa hai to zamane k liye a
kuch to mere pindaar-e-mohabbat ka bharam rakh
tu bhi to kabhi mujh ko manane k liye a
(pindaar-pride,self-esteem)
ek umar se hun lazzat-e-giriya se bhi maharum
ai rahat-e-jaan mujh ko rulane k liye a
(giriya-crying)
ab tak dil-e-khush-faham ko tujh se hai umeedein
yeh aakhri shamein bhi bujhane k liye a
Few more stanazas written by Talib Baghpati on the same rythm. Mehdi Hassan almost always sings along with the original ghazal.
mana k mohabbat ka chipana hai mohabbat
chupke se kisi roz jatane k liye a
jaise tujhe aate hain na aane k bahane
aise hi kisi roz na jaane k liye a…
Recent Comments