My thoughts...
Gulzar saab’s lyrics, sung by Jagjit Singh in Koi Baat Chale
kya batayein k jaan gai kaise
fir se dohraayein woh ghadi kaise
kisne raste mein chaand rakha tha
mujh ko thokar wahan lagi kaise
kya batayein k jaan gai kaise
waqt pe paaon kab rakha hamne
zindagi moonh ke bal giri kaise
kya batayein k jaan gai kaise
aankh to bhar gai thi paani se
teri tasveer jal gai kaise
kya batayein k jaan gai kaise
kya batayein k jaan gai kaise
fir se dohraayein woh ghadi kaise
Ahmed Faraz
iska socha bhi na tha ab ke jo tanha guzri
woh kyamat hi ganimat thi jo yakja guzri
(ganimat=blessing, yakja=together)
aa gale tujh ko laga loon mere pyare dushman
ik meri baat nahi tujh pe bhi kya-kya guzri
main to sehra k tapish, tishna-labi bhool gaya
jo mere ham-nafson par lab-e-dariya guzri
(tapish=warmth, heat, tishna-labi=thrist, ham-nafson=friends, lab=bank, kinara)
aaj kya dekh ke bhar aai hain teri aakhein
hum pe eh dost yeh saat to hamesha guzri
(saat=moment)
meri tanha-safri mera mukaddar di Faraz
warna es shahar-e-tamanna se to dunia guzri
Recent Comments